२ साउन २०७८ , शनिबार

शनिबार थप १८७५ जनामा कोरोना संक्रमण, २१ जनाको मृत्यु

हेल्थ टिभी अनलाइन \काठमाडौं : पछिल्लो २४ घण्टामा थप १८ सय ७५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा १० हजार ६६ जनामा कोरोना परीक्षण गर्दा १८ सय ७५ जनामा कोरोना पुष्टि भएको हो । यसैगरी पछिल्लो २४ घण्टामा देशभर २१ जना कोरोना संक्रमितको मृत्यु भएको छ । योसँगै पीसीआर विधिबाट कोरोना संक्रमण पुष्टि हुनेको संख्या ६ लाख ६५ हजार ८८६ पुगेको छ । उता एन्टिजेन विधिबाट कोरोना पुष्टि हुने ४८ हजार ३६२ रहेको छ ।

हालसम्म कोरोना संक्रमण भएर ९ हजार ५२७ जनाको मृत्यु भएको मन्त्रालयले जनाएको छ । हाल देशभर सक्रिय कोरोना संक्रमित २५ हजार ९५२ जना रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।