हेल्थ टिभी अनलाइन \काठमाडौं : काठमाडौंमा बुधबार ४३ हजार भन्दा बढीले कोरोना विरुद्धको भेरोसेल खोप लगाएका छन्।

काठमाडौं स्वास्थ्य कार्यालयका प्रमुख बद्री बहादुर खड्काका अनुसार काठमाडौंमा बुधबार ४३ हजा ४५८ जनाले कोरोना विरुद्धको भेरोसेल खोपको पहिलो मात्रा लगाएका छन्। खोप केन्द्रहरुमा भएको भिडका कारण आजदेखि दुई केन्द्र थप गरी ५० वटा खोप केन्द्रबाट खोप दिन लागिएको पनि खड्काले जनाएका छन्। आज नरदेवीमा रहेको आयुर्वेद अस्पताल र कान्ति बाल अस्पतालमा पनि खोप केन्द्र तोकिएको छ । योसँगै काठमाडौंमा ५० केन्द्रबाट भेरोसेल खोप दिइने भएको हो ।

सरकारले चीन सरकारबाट खरिद गरिएको भेरोसेल खोप अहिले ५५ वर्ष माथिका उमेर समूहका सबैलाई दिनका लागि २९ गतेदेखि अभियान सुरु गरेको छ । २९ गते अभियानको पहिलो दिन १२ हजार ३७२ जनाले खोप लगाएका थिए । यो अभियान सकिएपछि साउन ४ गतेबाट ५० देखि ५४ वर्षकालाई जोन्सन एण्ड जोन्सन खोप लगाउन सुरु गरिनेछ ।