हेल्थ टिभी अनलाइन \काठमाडौं : कोरोनाको परीक्षण गराउने बेलामा व्यक्तिको सम्पूर्ण ठेगाना र सम्पर्क नम्बर अनिवार्य राख्न इपिडिमियोलोजी तथा रोग नियन्त्रण महाशाखाले आग्रह गरेको छ ।

कतिपय रिपोर्टमा सम्पर्क नम्बर नभएको र कतिपयमा गलत नम्बर हुँदा फलो अप गर्न र केस म्यानेजमेन्ट गर्न अप्ठेरो भएको भन्दै महाशाखाले यस्तो आग्रह गर्दै सबै प्रयोगशालालई पत्र पठाएको हो ।

कोरोना पोजेटिभ भएपछि कल सेन्टरबाट कल गरेर जानकारी दिने र होम आइसोलेसनमा रहेकाहरुको फलोअप गर्नुपर्ने भएकाले नम्बर चाहिने भएपनि कतिपय अवस्थामा स्पष्ट सम्पर्क नम्बर नहुँदा समस्या भएको पनि रोग नियन्त्रण महाशाखाले जनाएको छ ।

महाहाखा प्रमुख डा कृष्ण पौडेलले जारी गरेको सूचनामा अबदेखि पीसीआर गर्ने बेलामा नै व्यक्तिहरुलाई अनिवार्य रुपमा हाल बसिरहेको ठेगाना तथा सम्पर्क नम्बर उपलब्ध गराउन लगाउने काम प्रयोगशाला कर्मचारीले गर्नुपर्ने उल्लेख छ ।