हेल्थ टिभी अनलाइन \काठमाडौं : पछिल्लो २४ घण्टामा थप २२ सय ९९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा थप १० हजार ५९६ जनाको कोरोना परीक्षण गर्दा थप २२ सय ९९ जनामा कोरोना पुष्टि भएको हो । यसैगरी गत २४ घण्टामा देशभर ३४ जना कोरोना संक्रमितको मृत्यु भएको छ । योसँगै देशभर कोरोना संक्रमण भएर ज्यान गुमाउनेको संख्या ९ हजार १७९ पुगेको छ । यसैगरी आज ३४ सय ५१ जना कोरोना संक्रमित संक्रमणमुक्त भएका छन्। हाल नेपालमा कोरोना संक्रमण भएर निको हुने दर ९४ प्रतिशत रहेको छ ।

हालसम्म नेपालमा कोरोना संक्रमण पुष्टि भएकाको संख्या ६ लाख ४२ हजार ५३ रहेको छ । यो पीसीआर विधीबाट गरिएको परीक्षणमा देखिएको मात्र संख्या हो । एन्टिजेन विधिबाट परीक्षण गर्दा थप ३६ हजार ७५५ जनामा कोरोना पुष्टि भएको मन्त्रालयले जनाएको छ । अहिले देशभर सक्रिय कोरोना संक्रमितको संख्या २९ हजार २७४ रहेको छ ।