थप २४७४ जनामा कोरोना संक्रमण, २४ जनाको मृत्यु
हेल्थ टिभी अनलाइन \काठमाडौं : पछिल्लो २४ घण्टामा थप २४ सय ७४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा देशभर १२ हजार २३२ जनामा परीक्षण गर्दा २४ सय ७४ जनामा कोरोना पुष्टि भएको हो । योसँगै देशभर कुल कोरोना संक्रमितको संख्या ६ लाख २९ हजार ४३१ पुगेको छ । यसैगरी एन्टिजेन विधिबाट परीक्षण गर्दा थप २९ हजार ९३४ जनामा कोरोना पुष्टि भएको मन्त्रालयले जनाएको छ । यहीवीच पछिल्लो २४ घण्टामा २५ सय १८ जना संक्रमणमुक्त भएका छन्।
यसैगरी गत २४ घण्टामा थप २४ जना कोरोना संक्रमितको मृत्यु भएको छ । योसहित कोरोना संक्रमण भएर ज्यान गुमाउनेको संख्या ८ हजार ९१८ पुगेको छ ।
हाल देशभर ४९ हजार ५५५ जना सक्रिय संक्रमित रहेका छन्। नेपालमा कोरोना संक्रमणबाट निको हुने दर ९० दशमलब ७ प्रतिशत रहेको छ ।
तपाईँलाई पाइल्स छ ? यस्तो गर्नुहोस् खानपान
नेपालमा क्यान्सर सर्भाइभरलाई केन्द्रमा राखेर विशेष कार्यक्रम
नेपाल क्यान्सर सम्मेलन सम्पन्न
औषधिलाई नै नटेर्ने संक्रमण : विश्वसामु बढ्दो एएमआर चुनौती
मेवाका फाइदा