हेल्थ टिभी अनलाइन \काठमाडौं  : काठमाडौंको टेकुस्थित राष्ट्रिय जनस्वास्थ्य प्रयोगशालामा तीन लाख भन्दा बढीको पीसीआर विधिबाट कोरोना परीक्षण भएको छ।

नेपालमा पीसीआर परीक्षण नै उक्त प्रयोगशालाबाट शुरु गरिएको थियो । नेपालमा पहिलोपटक कोरोनाका संक्रमितको कोरोना पुष्टि गर्नका लागि यहाँ सम्भव नभएर हङकङ पठाइएको थियो । तर पछि सरकारले कोरोनाको पीसीआर परीक्षण गर्न नेपालमै शुरु गर्नुपर्छ भनेर उक्त प्रयोगशालामा सो सेवा उपलब्ध हुने व्यवस्था गरेको थियो । त्यस यता प्रयोगशालामा ३ लाख जनाको पीसीआर परीक्षण गरेको भन्दै केट काटेर खुशयिाली मनाइएको छ । प्रयोगशालाकी निर्देशक डा रुना झा लगायतको टिमले केक काटेका थिए ।

कोरोना शुरु हुँदा  एउटा पनि प्रयोगशालामा पीसीआर नहुने नेपालमा हाल नीजि र सरकारी गरी ९६ वटा प्रयोगशालाबाट पीसीआर परीक्षण हुँदै आएको छ ।