४ असार २०७८ , शुक्रबार

भारतमा ५८ दिनपछि २ हजारभन्दा कम संक्रमितको मृत्यु

हेल्थ टिभी अनलाइन : केही दिनयता भारतमा कोरोना संक्रमितको संख्यामा त कमी आएको थियो नै अब भने मृत्युदरमा पनि कमी आउन थालेको छ ।

त्यहाँ ५८ दिन पछि २४ घण्टामा हुने मृत्यु २ हजारभन्दा कम आएको भारतीय स्वास्थ्य मन्त्रालयले जनाएको छ । गत २४ घण्टामा त्यहाँ १५ सय ८७ जना कोरोना संक्रमितको मृत्यु भएको जनाइएको छ । जबकी यसअघि दैनिक रुपमा ३ हजारदेखी ४ हजारको हाराहारीमा संक्रमितको मृत्यु हुने गरेको थियो । कोरोनाको दोस्रो वेभमा धेरै नै प्रभावित बनेको भारतमा संक्रमण र मृत्यु कम हुन थालेपछि केही राहत भएको छ ।

हाल भारतमा सक्रिय कोरोना संक्रमितको संख्या ७ लाख ९८ हजार६५६ रहेको छ । उता अहिलेसम्म २ करोड ९७ लाख ६२ हजारभन्दा बढीमा कोरोना संक्रमण पुष्टि भइसकेको छ । यसैगरी कोरोनाबाट ३ लाख ८३ हजार ४९० जनाको मृत्यु भएको बताइएको छ ।