असार दोस्रो सातादेखि ‘स्मार्ट लकडाउन’ लागू गर्दै सरकार
हेल्थ टिभी अनलाइन \काठमाडौं : कोरोना महामारी नियन्त्रण गर्नका लागि जारी गरिएको लकडाउनमा अब भने केही परिवर्तन हुने भएको छ । बुधबार बसेको कोभिड–१९ व्यवस्थापन निर्देशक समितिको दोस्रो बैठकले अत्यावश्यक वस्तु उत्पादन र आपूर्तिसहित ‘स्मार्ट लकडाउन’ तर्फ जाने निर्णय गरेको छ । बैठकले अहिले भइरहेको निषेधाज्ञालाई पनि जारी राख्दै स्वास्थ्य मन्त्रालयले जारी गरेका स्वास्थ्यका मापदण्ड पालना गरेर केही क्षेत्रहरु खोल्ने निर्णय गरेको हो ।
यसैगरी बैठकले वैदेशिक रोजगारीमा गएका तर विभिन्न कारणले होटल क्वारेन्टाइनमा बस्न नसक्ने कामदारका लागि सहयोग रकम उपलब्ध गराउने निर्णय समेत गरेको छ । यो क्रममा क्वारेनटाइन बसेको १० दिनसम्मको खर्च सरकारले दिने भएको छ ।
उता कतार, दुबई, साउदी अरब, मलेसिया, जापान लगायतका देशमा हवाइ उडान सिमित मात्रामा सूचारु गर्ने समेत निर्णय गरेको छ । यी देशहरुबाट सातामा दुई हजार जना यात्रुभन्दा नबढ्ने गरी हवाई उडान सञ्चालन हुने छन् ।
समितिका अध्यक्ष समेत रहेका प्रधानमन्त्री केपी शर्मा ओलीले कोरोना संक्रमणको जोखिमलाई मध्यनजर गर्दै जोखिम नहुने हदसम्म सबै मापदण्ड पालना गरेर मात्र लकडाउन खोल्न सकिने बताएका थिए ।
हाल देशका अधिकांंश स्थानमा कोरोना संक्रमण नियन्त्रणका लागि भन्दै लकडाउन गरिएको छ । उपत्यकामा गत वैशाख १६ देखि लकडाउन शुरु भएको थियो । जुन आसर ७ गते सम्म जारी छ ।
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन
‘स्ट्रोकको उपचारमा समय सबैभन्दा महत्वपूर्ण मानिन्छ’