काठमाडौं उपत्यकामा आजदेखि निषेधाज्ञा केही खुकुलो
हेल्थ टिभी अनलाइन \काठमाडौं : काठमाडौं उपत्यकामा आजदेखि निषेधाज्ञा केही खुकुलो बनाइएको छ। जेठ ३० गते बसेको उत्यकाका तीनै वटा जिल्लाका सिडियोहरुको बैठकले पछिल्लोपटक थपिएको निषेधाज्ञा केही खुकुलो गर्ने निर्णय गरेको हो । जुन आजदेखि असार ७ गतेसम्म लागू हुनेछ ।
कोरोना महामारी नियन्त्रणका लागि भन्दै सरकारले गत वैशाख १६ गतेदेखि विभिन्न चरणमा समय थप गर्दै उपत्यका लगायतका अधिकांश जिल्लामा निषेधाज्ञा जारी गरेको हो । पछिल्लो समय कोरोना संक्रमितको संख्या कम हुँदै गएपछि प्रशासनले निषेधाज्ञा केही खुकुलो गर्दै केही व्यापार व्यवसाय गर्न समय लम्ब्याएको हो ।
उपत्यकामा आजदेखि खाद्यान्न, तरकारी, फलफूल, किराना पसल र पुस्तक पसलले बिहान ११ बजेसम्म खोल्न पाउने छन्। यसैगरी यसअघि बन्द गरिएका विकास निर्माणका काममा आवश्यक पर्ने पसललाई अपरान्ह ४ बजेदेखि खुल्न दिने निर्णय भएको छ। विकास निर्माणका काममा पनि स्वास्थ्यका सम्पूर्ण मापदण्ड पूरा गरेर मजदूरहरू राख्न पाइने भएको छ।
अटो वर्कसपहरू बिहानदेखि बेलुकीसम्म नै खोल्न पाउने छन्। उता अत्यावश्यक सेवाका लागि यातायातका साधनलाई आफ्नो कार्यालयद्वारा जारी परिचय पत्र वा जिल्ला प्रशासनले जारी गरेको पासका आधारमा सञ्चालन गर्न दिइने छ।
अनलाइन डेलिभरी पनि गर्न पाइने छ । कृषिजन्य विउ विजन, मल लगायतका पसलहरु पनि खोल्न पाइने छ ।
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण
आइभीएफबारे ७ भ्रम र यथार्थ