विश्व रक्तदाता दिवसमा नेपाल क्यान्सर अस्पतालमा रक्तदान कार्यक्रम
हेल्थ टिभी अनलाइन \काठमाडौं : विश्व रक्तदाता दिवसको अवसरमा ललितपुरको हरिसिद्धिस्थित नेपाल क्यान्सर अस्पतालले रक्तदान कार्यक्रमको आयोजना गरेको छ । अस्पतालले दिवसको अवसर पारेर एक दिने रक्तदान कार्यक्रम गरेको हो ।
कोरोना महामारीका कारण वृहत कार्यक्रम गर्न नसकिए पनि सामान्य रुपमा जनस्वास्थ्यका मापदण्ड पालना गर्दै रक्तदान कार्यक्रम राखिएको अस्पतालले जनाएको छ । रक्तदान जीवन दान भएकाले यसको महत्व बुझाउनका लागि र सम्पूर्ण रक्तदाताको सम्मानका लागि कार्यक्रम राखिएको पनि जनाइएको छ ।
विश्वभरी नै रक्तदानको महत्त्वबारे जनचेतना फैलाउन र मानिसको अमूल्य जीवन बचाउने रक्तदाताहरुको योगदानप्रति धन्यवाद व्यक्त गर्नका लागि हरेक वर्ष जुन १४ तारिखका दिन यो दिवस मनाउने गरिन्छ ।
यसपटकको नारा ‘रक्तदान गरौं, विश्वलाई चलायमान राखौँ’ भन्ने रहेको छ ।
साहित्यकार मोतीशोभाका पाँच कृति एकैसाथ विमोचित
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?