Health TV Online
Health TV Online

नेपालमा कोरोना संक्रमितको संख्या ६ लाख नाघ्यो, मृत्यु हुनेको संख्या ८ हजार २३८

१६४३ जना आइसीयू र भेन्टिलेटरमा

नेपालमा कोरोना संक्रमितको संख्या ६ लाख नाघ्यो, मृत्यु हुनेको संख्या ८ हजार २३८

हेल्थ टिभी अनलाइन \काठमाडौं : नेपालमा कोरोना संक्रमितको संख्या ६ लाख नाघेको छ । पछिल्लो २४ घण्टामा ३ हजार ७४९ संक्रमित थपिएसँगै देशमा कुल कोरोना संक्रमितको संख्या ६ लाख १ हजार ६८७ पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार संक्रमितमध्ये ५ लाख १५ हजार ५९१ जना भने संक्रमणमुक्त भइसकेका छन्। हाल देशभर ७७ हजार ८५८ जना सक्रिय संक्रमित रहेका छन्। जसमध्ये ७२ हजार १७८ जना होम आइसोलेसनमा र ५ हजार ६८० जना भने संस्थागत आइसोलेसनमा रहेका छन्। यीमध्ये पनि १२ सय ६१ जनाको आइसीयूमा र ३८२ जनाको भेन्टिलेटरमा उपचार भइरहेको मन्त्रालयले जनाएको छ । हालसम्म ८ हजार २३८ जनाले कोरोना संक्रमणबाट ज्यान गुमाएका छन्।

मन्त्रालयका अनुसार संक्रमितमध्ये ६१ प्रतिशत अर्थात ३ लाख ६७ हजार २२ जना पुरुष छन् भने ३९ प्रतिशत अर्थात २ लाख ३४ हजार ६६५ जना महिला रहेका छन् । संक्रमितमध्ये १ दशमलब ३७ प्रतिशतले ज्यान गुमाएको मन्त्रालयको तथ्यांकमा उल्लेख छ ।

हालसम्म नेपालमा २२ लाख ४४ हजार ६१९ जनाले कोरोना विरुद्धको पहिलो मात्रा खोप लगाइसकेका छन् । यसैगरी दोस्रो डोज खोप लिनेहरुको संख्या ६ लाख ९१ हजार ४९४ रहेको मन्त्रालयले जनाएको छ ।

अहिले पनि ६० देखि ६४ वर्ष समूहलाई खोप अभियान जारी रहेको छ ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार