पतञ्जलीले बनाएको ‘कोरोनिल किट’ वितरणमा रोक
हेल्थ टिभी अनलाइन\ काठमाडौं : आयुर्वेद तथा वैकल्पिक चिकित्सा विभागले पतञ्जली योगपीठले सरकारलाई उपलब्ध गराएको ‘कोरोनिल किट’ वितरणमा रोक लगाएको छ । उक्त किट नेपालमा औषधि व्यवस्था विभागमा दर्ता नभएको पाइएपछि तत्कालका लागि वितरणमा रोक लगाइएको हो ।
आयुर्वेद तथा वैकल्पिक चिकित्सा विभागका महानिर्देशक डा वासुदेव उपाध्यायले पतञ्जलीबाट प्राप्त ती औषधि श्वासप्रश्वास उपचारमा लाभदायी नै देिखएको भए पनि दर्ता नभएको र आयात प्रक्रिया नमिलेका कारण वितरणमा रोक लगाइएको बताए ।
पतञ्जलीले एक साता अघि १ हजार ६ सय किट तत्कालीन स्वास्थ्य तथा जनसंख्यामन्त्री हृदयेश त्रिपाठी र महिला बालबालिका तथा ज्येष्ठ नागरिकमन्त्री जुलीकुमारी महतोलाई स्वास्थ्य मन्त्रालय गएर बुझाएका थिए ।
पतञ्जलीले स्वासारी ट्याब्लेट, नाकमा राख्ने अणु तेल र कोरोनिल ट्याब्लेट राखिएको ५० कार्टुन मन्त्रालयलाई दिएको थियो । उक्त किट यसअघि भुटान पठाइएको र त्यहाँ पनि यसको वितरणमा रोक लगाइएको थियो ।
नेपालमा बिना अनुमति कुनै पनि वस्तु औषधिका नाममा वितरण गर्न पाइदैन। उपभोग गर्न पनि दिन मिल्दैन। तर यो कोरोना संक्रमितका लागि भन्दै ल्याइएको किट दर्ता नै छैन्। बिना दर्ता कुनै पनि औषधिको बिक्रि वितरण तथा निकासी पैठारी गर्न पाइँदैन।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण