२४ जेष्ठ २०७८ , सोमवार

कोरोनाको तेस्रो लहर आउनसक्ने कुरालाई ध्यानमा राख्दै पूर्व तयारी गरिरहेका छौं : स्वास्थ्य मन्त्री तामाङ

हेल्थ टिभी अनलाइन \काठमाडौं : नवनियुक्त स्वास्थ्य तथा जनसंख्या मन्त्री शेरबहादुर तामाङले कोरोना संक्रमणको तेस्रो लहरको पूर्व तयारी सुरु गरिसकेको बताएका छन्।

स्वास्थ्य मन्त्री भएपछि पहिलोपटक मन्त्रालयबाट भर्चुअल रुपमा पत्रकार सम्मेलन गर्दै उनले मन्त्रालयले कोरोनाको तेस्रो लहर आउनसक्ने कुराको आँकलन गर्दै तेस्रो लहरको पूर्वतयारी समेत सुरु गरेको जानकारी दिएका हुन्। उनले तेस्रो लहरमा बालबालिकालाई बढी प्रभावित बनाउने हो कि भन्ने कुरा ध्यानमा राख्दै सातै प्रदेशमा बालबालिकालाई चाहिने आवश्यक बेड तथा आइसीयू, एचडीयू लगायतका कक्षसहितको अस्पताल बनाउने तयारी गरिरहेको जनाए । त्यसका लागि सबै संयन्त्र लागि परेको समेत उनले जानकारी दिए ।

पत्रकार सम्मेलनमा उनले आफूले निष्ठापूर्वक र पारदर्शी भएर काम गर्ने समेत जिकीर गरे ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।