हेल्थ टिभी अनलाइन \काठमाडौं : देशभर पछिल्लो २४ घण्टामा ६ हजार ८५ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा २० हजार १६५ जनाको कोरोना परीक्षण गर्दा ६ हजार ८५ जनामा कोरोना पुष्टि भएको हो ।

यसैगरी गत २४ घण्टामा ६८ जनाको कोरोना संक्रमणबाट मृत्यु भएको मन्त्रालयले जनाएको छ । योसँगै देशभर कुल कोरोना संक्रमितको संख्या ५ लाख ६६ हजार ५८७ पुगेको छ । उता हालसम्म कोरोना संक्रमण भएर ७ हजार ४५४ जनाले ज्यान गुमाएका छन्।

पछिल्लो २४ घण्टामा कोरोना संक्रमणमुक्त हुनेको संख्या ६ हजार ८९८ रहेको छ । योसँगै हालसम्म ४ लाख ५४ हजार ३४४ जनाले कोरोनालाई जितिसकेका छन्। मन्त्रालयका अनुसार अहिले देशभर सक्रिय कोरोना संक्रमितको संख्या १ लाख ४ हजार ७८९ रहेको छ । यीमध्ये १४९१ जना आइसीयूमा रहेका छन् भने ४०४ जना भेन्टिलेटरमा उपचाररत छन्।