१८ जेष्ठ २०७८ , मङ्लबार

चीनले अनुदानमा दिएको ८ लाख डोज खोप आइपुग्यो

हेल्थ टिभी अनलाइन \काठमाडौं : चीनले अनुदानमा दिएकोमध्ये ८ लाख डोज खोप मंगलबार काठमाडौं आइपुगेको छ । नेपाल एयरलाइन्सको विमानबाट उक्त ८ लाख डोज खोप ल्याइएको हो ।

खोपकावारेमा चिनियाँ राष्ट्रपति र नेपालका राष्ट्रपति विद्यादेवी भण्डारीवीच भएको टेलिफोन संवादपछि चिनियाँ राष्ट्रपतिले नेपाललाई १० लाख डोज खोप तत्काल अनुदानमा दिने घोषणा गरेका थिए । सोही बमोजिम आज ८ लाख डोज खोप आएको हो । थप २ लाख डोज खोप पनि भोलिसम्म आइपुग्ने बताइएको छ ।

२ लाख खोप भने तीब्बतले दिने भनिएकोमा ५० हजार डोज आजै आइसकेको र बाँकी रहेको खोप पनि भोलि आइपुग्नेछ । चीनबाट अनुदानमा आएको यो १० लाख डोज खोप कसलाई दिने भन्ने विषय निर्धारण गरी छिटै खोप अभियान शुरु गरिने स्वास्थ्य मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।