१६ जेष्ठ २०७८ , आइतवार

घट्दो क्रममा संक्रमण : २४ घण्टामा ४३६९ जनामा देखियो कोरोना

हेल्थ टिभी अनलाइन \काठमाडौं : देशभर पछिल्लो २४ घण्टामा ४ हजार ३६९ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार गत २४ घण्टामा १२ हजार ७७० जनाको कोरोना परीक्षण गर्दा ४ हजार ३६९ जनामा कोरोना पोजेटिभ देखिएको हो ।

यसैगरी आज १०९ जना कोरोना संक्रमितको मृत्यु भएको छ । नेपालमा हाल सक्रिय कोरोना संक्रमितको संख्या १ लाख ८ हजार ८९७ रहेको छ । उता पछिल्लो २४ घण्टामा ६ हजार २०५ जना संक्रमित निको भएर डिस्चार्ज भएको मन्त्रालयले जनाएको छ ।

कोरोनाको आशंकामा ७६३ जना क्वारेन्टाइनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।