हेल्थ टिभी अनलाइन \काठमाडौं : सरकारले कोरोना विरुद्धको कोभिशिल्ड र भेरोसेलको पहिलो डोज लिएका सिंहदरबारभित्रका सम्पूर्ण कर्मचारीलाई दोस्रो डोज आजदेखि दिने भएको छ ।

स्वास्थ्य कार्यालय काठमाडौंका प्रमुख जनस्वास्थ्य प्रशासक बद्री बहादुर खड्काका अनुसार कोभिड- १९ खोप माघ १४ देखि फागुण २२ गतेसम्म ‘कोभिशिल्ड’ को पहिलो डोज लिएका र चैत २५ गतेखि वैशाख १५ सम्म ‘भेरोसेल’ खोप लिएका सिंहदरवारभित्रका सम्पूर्ण कर्मचारीलाई दोस्रो मात्र आज र भोलि दिने भएको हो ।

पहिलो मात्रा खोप लिएका सिहंदरवार भित्रका संवैधानिक निकाय र सरकारी निकायका सबै पदाधिकारी कर्मचारी, सुरक्षाकर्मीका लागि उक्त खोप अभियान राखिएको हो ।

सिहंदरवार भित्रकै खोप केन्द्रमार्फत खोप दिइने हुँदा अनिवार्य रुपमा पहिलो डोज खोप लगाएको कार्ड र कार्यालयले उपलब्ध गराएको परिचय पत्र लिएर आउन सबैलाई आग्रह गरिएको छ ।