हेल्थ टिभी अनलाइन \काठमाडौं : नेपालमा पछिल्ल्लो २४ घण्टामा थप १६९ जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा १६९ जना संक्रमितको मृत्यु भएको छ भने ८ हजार ६३६ जना संक्रमित थपिएका छन्। गत २४ घण्टामा २२ हजार ९३६ जनाको कोरोना आंशकामा परीक्षण गरिएको थियो ।

योसँगै देशभर कुल कोरोना संक्रमितको संख्या ५ लाख २८ हजार ८४८ पुगेको छ । उता कोरोना संक्रमणबाट ज्यान गुमाउनेको संख्या ६ हजार ७ सय पुगेको मन्त्रालयले जनाएको छ । मन्त्रालयका अनुसार हालसम्म कुल कोरोना संक्रमितमध्ये ४ लाख ४ हजार ८८७ जना संक्रमणमुक्त भइसकेका छन्। हाल देशभर सक्रिय कोरोना संक्रमितको संख्या १ लाख १७ हजार २६१ रहेको छ । उनीहरुमध्ये १ लाख ८ हजार ४२८ जना होम आइसोलेसनमा छन् भने ८ हजार ८३३ जना संस्थागत आइसोलेसनमा रहेका छन्।

यसैगरी आज बिहानसम्म १६७२ जनाको आइसीयूमा र ४४७ जनाको भेन्टिलेटरमा उपचार भइरहेको छ ।