हेल्थ टिभी अनलाइन \काठमाडौं : देशभर आज ८ हजार ६०७ जना कोरोना संक्रमित थपिएका छन्। उता पछिल्लो २४ घण्टामा ७ हजार ८९० जना संक्रमित निको भएको स्वास्थ्य तथा जनसंख्या मन्त्रालयले जनाएको छ ।

योसँगै देशभर कुल कोरोना संक्रमितको संख्या ४ लाख ९७ हजार ५२ पुगेको छ । यीमध्ये ३ लाख ७४ हजार ८३६ जना कोरोना संक्रमित संक्रमणमुक्त भइसकेका छन्। उता पछिल्लो २४ घण्टामा देशभर १७७ जना कोरोना संक्रमितको मृत्यु भएसँगै कोरोनाबाट हालसम्म मृत्यु हुनेको संख्या ६ हजार २४ पुगेको मन्त्रालयले जनाएको छ ।

अहिले देशभर १ लाख १६ हजार १९२ जना सक्रिय संक्रमित रहेका छन् । तीमध्ये १ लाख ८ हजार ४९५ जना होम आइसोलेसनमा छन् भने ७ हजार ६९७ जना मात्र संस्थागत आइसोलेसनमा रहेका छन्। सक्रिय संक्रमितमध्ये १७ सय १६ जना देशका विभिन्न अस्पतालमा आइसीयूमा र ५११ जना भेन्टिलेटरमा उपचाररत छन्।