५ जेष्ठ २०७८ , बुधबार

राष्ट्रिय जनस्वास्थ्य प्रयोगशालाले भन्यो- पोखराको विध ल्याब अवैध हो, पीसीआर नगराउनुस्

हेल्थ टिभी अनलाइन \काठमाडौं : विध ल्याब पोखराले कोरोनाको पीसीआर परीक्षण अवैध रुपमा गर्दै आएको खुलेको छ ।

राष्ट्रिय जनस्वास्थ्य प्रयोगशाला टेकुले आज एक विज्ञप्ति जारी गर्दै पोखराको नयाँ बजारमा रहेको विध ल्याब प्रा लि. नामक प्रयोगशालाले इजाजत पत्र नै नलिएर प्रयोगशाला सञ्चालन गरेकाले त्यहाँ हुने सबै परीक्षण अवैध हुने जनाएको छ ।

जनस्वास्थ्य ऐन २०७५ को दफा २२ बमोजिम कुनै पनि गैर सरकारी वा निजी स्वास्थ्य संस्थाले सरकारबाट इजाजत पत्र लिएर मात्र स्वास्थ्य सेवा प्रदान गर्नुपर्ने नियम छ । तर विध ल्याबले दर्ता नै नगरी पीसीआर परीक्षण सेवा दिएको पाइएको हो ।

उक्त ल्याब अवैध रहेकाले त्यहाँ कुनै पनि परीक्षण नगर्न सबैलाई राष्ट्रिय जनस्वास्थ्य प्रयोगशालाले आग्रह समेत गरेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।