२ जेष्ठ २०७८ , आइतवार

कोरोनाका कारण डा आइ एल आचार्यको मृत्यु

हेल्थ टिभी अनलाइन \काठमाडौं : कोरोना भाइरसको संक्रमणका कारण प्राडा आइ एल (ईश्वर लाल) आचार्यको मृत्यु भएको छ ।

वरिष्ठ ग्याष्ट्रोइन्टेरोलोजिष्ट डा आचार्यको आज बिहान ३ बजे उपचारकै क्रममा स्टार अस्पतालमा मृत्यु भएको हो । अस्पतालका प्रबन्ध निर्देशक डा शैल रुपाखेतीले कोरोना संक्रमणको कारण भएको निमोनियाका कारण डा आचार्यको आज बिहान मृत्यु भएको जनाए ।

उनले डा आचार्यको कोरोना नेगेटिभ आएपछि वार्डमा सारेको भए पनि पुन: स्वास्थ्य बिग्रदै गएर आज बिहान मृत्यु भएको हेल्थ टिभी अनलाइनलाई बताए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।