हेल्थ टिभी अनलाइन \काठमाडौं : हाल देशका विभिन्न अस्पतालमा १७ सय ६१ जना सिकिस्त कोरोना संक्रमितको भेन्टिलेटर र आइसीयूमा उपचार भइरहेको छ । यो संख्या दिनप्रतिदिन बढिरहेको छ ।

स्वास्थ्य तथा जनसंख्या मन्त्रालयका अनुसार बिहिबारसम्म आइसीयूमा १३ सय ८१ जना र भेन्टिलेटरमा ३८० जना कोरोनाका सिकिस्त संक्रमित रहेका छन्। सातै प्रदेशमा संक्रमित आइसीयू र भेन्टिलेटरमा रहेका छन्। सबैभन्दा बढी बाग्मती प्रदेशमा ६३८ जना संक्रमित आइसीयू र २३१ जना भेन्टिलेटरमा रहेको मन्त्रालयले जनाएको छ ।

यसैगरी प्रदेश १ मा १८० जना आइसीयूमा र ५३ जना भेन्टिलेटरमा छन्। प्रदेश २ मा १७९ जना आइसीयूमा र ४३ जना भेन्टिलेटरमा रहेका छन्। उता गण्डकी प्रदेशमा ८८ जना आइसीयूमा र १८ जना भेन्टिलेटरमा रहेको मन्त्रालयले जनाएको छ । यसैगरी लुम्बिनी प्रदेशमा १३६ जना आइसीयूमा र १३ जना कोरोना संक्रमितको भेन्टिलेटरमा उपचार भइरहेको छ ।

कर्णाली प्रदेशमा ११० जना आइसीयमा छन् भने ८ जना भेन्टिलेटरको सहयोगमा उपचारमा छन्। सूदुरपश्चिममा भने केही कम संक्रमितको आइसीयूमा उपचार भइरहेको छ । त्यहाँ ५० जना संक्रमित आइसीयूमा छन् भने १४ जना भेन्टिलेटरमा छन्।