हेल्थ टिभी अनलाइन \काठमाडौं : स्वास्थ्य तथा जनसंख्या मन्त्रालयले सय बेड माथिका सबै निजी तथा सामूदायिक अस्पतालले अनिवार्य रुपमा १५ दिनभित्र अक्सिजन प्लान्ट जडान गर्नुपर्ने निर्देशन दिएको छ ।

मन्त्रालयका प्रवक्ता डा जागेश्वर गौतमले आजको प्रेस व्रिफिङका क्रममा उक्त कुरा बताएका हुन्। उनले आजका मितिदेखि १५ दिनभित्र एक सय बेड माथिका सबै अस्पतालले आफ्नै अक्सिजन प्लान्ट जडान गरी सोको जानकारी स्वास्थ्य मन्त्रालयलाई गराउन समेत आग्रह गरे । उनले यसका लागि मन्त्रालयको गुणस्तर मापन तथा नियमन महाशाखाले समन्वय र सहजीकरण गर्ने समेत जानकारी दिए ।

पछिल्लो समय सिकिस्त कोरोना संक्रमितको संख्या बढेपछि अस्पतालहरुमा अक्सिजनको हाहाकार भएको छ । अत्यधिक माग बढेपछि अस्पतालमा बिरामीलाई अक्सिजनसहित उपचार दिन धौ धौ परेको छ । जसका कारण धेरै अस्पतालले अब नयाँ बिरामी भर्ना लिन नसक्ने सूचना जारी गरिरहेका छन्।