हेल्थ टिभी अनलाइन \काठमाडौं : काठमाडौंको धापासीस्थित ग्राण्डी इनटरनेशनल अस्पतालले पनि अक्सिजनको अभाव भएको भन्दै नयाँ बिरामी भर्ना नलिने जनाएको छ । अस्पतालले आज एक सूचना जारी गर्दै सरकारले कोटामा दिने १ सय सिलिन्डर प्रयाप्त नभएको भन्दै अबदेखि नयाँ संक्रमित भर्ना गरेर उपचार गर्न नसकिने जनाएको हो । अक्सिजनको आपूर्ति सहज भएमा भने पुन: सेवा सुचारु गर्ने सूचनामा उल्लेख छ ।

पछिल्लो समय उपत्यकामा ठूला अस्पतालले अक्सिजनको कमी भएको भन्दै नयाँ संक्रमित भर्ना गर्न नसक्ने जनाएका छन्। सरकारले अस्पतालको क्षमता अनुसार कोटा प्रणाली लागू गरेर अक्सिजन वितरण गर्ने निर्णय गरेको थियो । यो प्रणाली मार्फत दिएको अक्सिजनले बिरामीको उपचार गर्न नपुग्ने भन्दै अस्पतालहरुले धमाधम नयाँ बिरामी भर्ना नलिने घोषणा गर्न थालेका छन।

यसअघि नेपाल मेडिसिटी, ओम अस्पताल, मेडिकेयर, नेपाल मेडिकल कलेज लगायतका अस्पतालले पनि नयाँ बिरामी भर्ना नलिने भन्दै सूचना जारी गरिसकेका छन्।