अक्सिजन अभाव भएपछि नेपाल मेडिकल कलेजले भन्यो -‘हामी उपचार गर्न सक्दैनौं बिरामी अन्तै लानुस्’
हेल्थ टिभी अनलाइन \काठमाडौं : अक्सिजन अभाव भएपछि जोरपाटीस्थित नेपाल मेडिकल कलेज तथा शिक्षण अस्पतालले बिरामीलाई अन्तै जान आग्रह गरेको छ ।
अस्पतालले आज एक सूचना जारी गर्दै अस्पतालमा आजसम्मलाई पुग्ने मात्र अक्सिजन रहेको भन्दै उनीहरुलाई बेलैमा आफनो व्यवस्था गर्न भनिएको छ ।अस्पतालले अक्सिजन सप्लाई गर्ने कम्पनीको मेशिन बिग्रिएकाले तत्काल अस्सिजन उपलब्ध हुन गाह्रो पर्ने भन्दै बिरामीलाई यस्तो आग्रह गरेको हो ।
यसकाबारेमा स्वास्थ्य मन्त्रालय लगायतका सरोकारवाला निकायमा जानकारी गराइएको समेत सूचनामा उल्लेख छ । पछिल्लो समय ठूला अस्पतालहरुमा अक्सिजन अभाव भएपछि धेरैले नयाँ बिरामी भर्ना लिन नसक्ने जनाउँदै सूचना जारी गरिरहेका छन्।
आजै मेडिसिटी अस्पतालले पनि नयाँ बिरामी भर्ना नलिने भन्दै सूचना जारी गरेको छ ।
नेपाल फार्मेसी परिषद्को रजिस्ट्रारमा हरिश सिंह थापा नियुक्त
व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
वरिष्ठ प्याथोलोजिस्ट डा सुजन शर्मा स्पेनको बायोसिस्टम्समा प्राविधिक सल्लाहकार नियुक्त
चौंथो सुदीप्ता क्यान्सर सर्भाइभर र्याम्प शो हुँदै
स्वास्थ्य बीमा बोर्डको अध्यक्षमा डा सुवास प्याकुरेल नियुक्त