२८ बैशाख २०७८ , मङ्लबार

शुक्रराज ट्रपिकल अस्पतालमा पीसीआर परीक्षण सेवा बन्द

हेल्थ टिभी अनलाइन \काठमाडौं : काठमाडौंको टेकुस्थित शुक्रराज ट्रपिकल तथा सरुवा रोग अस्पतालमा पीसीआर परीक्षण सेवा बन्द भएको छ ।

अस्पतालले विशेष कारण भन्दै अर्को व्यवस्था नभएसम्मका लागि पीसीआर परीक्षण सेवा बन्द भएको सूचना जारी गरेको हो । पीसीआरका लागि चाहिने किटहरुको अभाव भएपछि परीक्षण तत्कालका लागि रोक्न परेको अस्पतालका निर्देशक डा सागर राजभण्डारीले बताए ।

शुक्रराज अस्पतालमा मात्रै दैनिक ५ सय भन्दा बढीको पीसीआर परीक्षण हुँदै आएको थियो । अस्पतालले जारी गरेको सूचनामा सेवा बन्द हुँदा सेवाग्राहीमा पर्न गएको असुविधाप्रति क्षमाप्रार्थी छौं उल्लेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।