२६ बैशाख २०७८ , आइतवार

३१ वर्षीया महिलासहित गण्डकी प्रदेशमा थप ११ जना कोरोना संक्रमितको मृत्यु

हेल्थ टिभी अनलाइन \पोखरा : गण्डकी प्रदेशमा आज थप ११ जना कोरोना संक्रमितको मृत्यु भएको छ ।

गण्डकीको स्वास्थ्य निर्देशनालयले विज्ञप्ति जारी गर्दै हिजो साँझदेखि अहिलेसम्म ११ जना कोरोना संक्रमितको मृत्यु भएको जनाएको हो । योसँगै गण्डकी प्रदेशमा कोरोना संक्रमण भएर मृत्यु हुनेको संख्या २६२ पुगेको छ । यसरी मृत्यु हुनेहरुमा कास्कीमा ६ जना, स्याङ्जाका २ जना, रुपन्देहीका एक जना, पर्वतका एक जना र म्याग्दीका एक जना रहेका छन्।

उनीहरुको उपचारकै क्रममा मृत्यु भएको हो । कोरोनाबाट मृत्यु भएकाहरुको उमेर ३१ देखि ६० वर्ष रहेको निर्देशनालयले जनाएको छ । पछिल्लो समय कोरोनाबाट मृत्यु हुनेको संख्या ह्वात्तै बढेको छ ।

हालसम्म देशभर कोरोना संक्रमणबाट ३ हजार ६३२ जनाको मृत्यु भइसकेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।