हेल्थ टिभी अनलाइन\ काठमाडौं : काठमाडौं महानगरपालिकाले त्रिभुवन विश्वविद्यालय शिक्षण अस्पताल महाराजगंजलाई १० वटा भेन्टिलेटर सहयोग गरेको छ ।

भेन्टिलेटरको अभावमा कोरोना संक्रमितको उपचारमा समस्या परेका बेला महानगरले १० वटा भेन्टिलेटर सहयोग गरेको हो।

महानगरका मेयर विद्या सुन्दर शाक्य एवं उपमेयर हरिप्रभा खड्गीले शनिबार अस्पताल परिसर पुगी भेन्टिलेटर हस्तान्तरण गरेका हुन्।

अहिले काठमाडौं उपत्यकामा धेरै अस्पतालमा अक्सिजन, आइसीयू र भेन्टिलेटरको समस्या भएका कारण धेरै संक्रमितले बेड नपाएरै ज्यान गुमाउन परेको अवस्था छ ।