Health TV Online
Health TV Online
Health TV Online
Health TV Online
Health TV Online

काठमाडौं उपत्यकामै छन् ३४ हजारभन्दा बढी सक्रिय संक्रमित

काठमाडौं उपत्यकामै छन् ३४ हजारभन्दा बढी सक्रिय संक्रमित

हेल्थ टिभी अनलाइन \काठमाडौं : काठमाडौं उपत्यकामा मात्रै हाल ३४ हजार भन्दा बढी सक्रिय कोरोना संक्रमित रहेका छन्। उपत्यकामा तीन जिल्ला काठमाडौं, भक्तपुर र ललितपुरमा मात्रै ३४ हजार ६२१ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।

यीमध्ये काठमाडौंमा २५ हजार ९४०, भक्तपुरमा ३ हजार २५२ र ललितपुरमा ५ हजार ४२९ सक्रिय संक्रमित रहेका छन्। उता हालसम्म काठमाडौंमा ८१४ जना, भक्तपुरमा १६८ जना र ललितपुरमा २३२ जनाले कोरोना संक्रमणबाट ज्यान गुमाएको मन्त्रालयले जनाएको छ । त्यसो त काठमाडौंका कुल संक्रमत १ लाख ३९ हजार ५५६ मध्ये १ लाख १२ हजार ८०२ जना संक्रमणमुक्त भइसकेका छन्।

उता भक्तपुरमा कुल संक्रमितको संख्या १३ हजार २४५ पुगेको छ भने ९ हजार ८२५ जना निको भइसकेका छन्। ललितपुरमा हालसम्म २३ हजार २९६ जनामा कोरोना पुष्टि भएको छ । तीमध्ये १७ हजार ६३५ जना निको भएर डिस्चार्ज भएका छन्। उपत्यकाकाका विभिन्न अस्पतालमा १९४ जना संक्रमितको आइसीयूमा र ८८ जनाको भेन्टिलेटरमा उपचार भइहरेको छ ।

पछिल्लो समय कोरोना संक्रमण उपत्यकामा उच्च दरमा फैलिरहेको छ । जसका कारण अस्पतालमा संक्रमितलाई बेड पाउनै मुश्किल छ । अहिले देशभर सक्रिय कोरोना संक्रमतिको संख्या ७८ हजार ६२९ रहेको छ । शुक्रबारसम्म कोरोना संक्रमणबाट मृत्यु हुनेको संख्या ३ हजार ५७९ रहेको मन्त्रालयले जनाएको छ ।

घनाबस्ती भएका कारण पनि उपत्यका कोरोनाको उच्च जोखिममा रहेको विज्ञहरुले बताउँदै आएका छन्।

 

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार

थप २६०७ जनामा कोरोना संक्रमण

थप २६०७ जनामा कोरोना संक्रमण