हेल्थ टिभी अनलाइन \काठमाडौं : नेपालमा आज थप ९ हजार १९६ जनामा कोरोना संक्रमण पुष्टि भएको छ । यो संख्या अहिलेसम्मकै उच्च हो ।

स्वास्थ्य तथा जनसंख्या मन्त्रालयका अनुसार शुक्रबार देशभरका प्रयोगशालामा २० हजार ४८२ जनाको कोरोना परीक्षण गर्दा ९ हजार १९६ जनामा कोरोना संक्रमण पुष्टि भएको हो । पछिल्लो २४ घण्टामा १९ हजार ९८७ जनाको पीसीआर विधिबाट र ४९५ जनाको एन्टिजेन विधिमार्फत परीषण गरिएको थियो ।

योसँगै देशभर कुल कोरोना संक्रमितको संख्या ३ लाख ७७ हजार ६०३ पुगेको छ । उता गत २४ घण्टामा ५० जना कोरोना संक्रमितको मृत्यु भएको मन्त्रालयले जनाएको छ । आज मृत्यु भएकासहित गरी देशभर कोरोना संक्रमणबाट मृत्यु हुनेको संख्या ३ हजार ५७९ पुगेको छ ।

अहिले देशमा सक्रिय संक्रमितको संख्या ७८ हजार ६२९ पुगेको छ । यसैगरी गत २४ घण्टामा २९ सय ५ जना कोरोना जितेर निको भएका छन्।