१९ बैशाख २०७८ , आइतवार

पर्यटनमन्त्री भानुभक्त ढकाललाई कोरोना संक्रमण

हेल्थ टिभी अनलाइन \काठमाडौं : संस्कृति, पर्यटन तथा नागरिक उड्डयन मन्त्री भानुभक्त ढकाललाई कोरोना संक्रमण पुष्टि भएको छ ।

आइतबार गरेको परीक्षणमा आफू र श्रीमतीमा कोरोना संक्रमण पुष्टि भएको उनले बताएका छन्। उनले अहिले आफूहरुको स्वास्थ्य अवस्था सामान्य रहेको र होम आइसोलेसनमै रहेको समेत जनाएका छन् ।

कोरोना रिपोर्ट पोजेटिभ आएपछि मन्त्री ढकालले आफ्नो सम्पर्कमा आएकाहरुलाई आवश्यक सावधानी र सजगता अपनाउन समेत आग्रह गरेका छन्।

नेपालमा कोरोना महामारी शुरु हुने बेलामा ढकाल स्वास्थ्यमन्त्रीको जिम्मेवारीमा थिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।