हेल्थ टिभी अनलाइन\ काठमाडौं : काठमाडौं जिल्ला प्रशासन कार्यालयले केही सवारीसाधनका लागि पास नचाहिने भन्दै त्यसको सूची सार्वजनिक गरेको छ ।

कोरोना नियन्त्रणका लागि काठमाडौं उपत्यकामा आजबाट जारी निषेधाज्ञामा अत्यावश्यक बाहेकको सवारीसाधन चल्न नदिने निर्णय गरेको भए पनि केही सेवाहरु भने सूचारु भएकाले त्यसका लागि पास नचाहिने जनाइएको हो । यसरी पास नचाहिनेहरुमा बैंक, वित्तिय संस्था, सरकारी कार्यालय, सार्वजनिक संस्थान, नेपाल राष्ट्र बैंकबाट इजाजत लिई वित्तिय कारोवार गर्ने संस्था, एअरपोर्ट आउ जाउ गर्ने यात्रु, बिरामी र बिरामीका कुरुवा रहेका छन्।

काठमाडौं प्रशासनले सूचना जारी गर्दे यस्ता कार्यमा बाहिर निस्केकालाई कतैबाट अवरोध भएमा तुरुन्त नेपाल प्रहरीको १०० र १०३ नम्बरमा फोन गर्न समेत भनिएको छ । यसैगरी अन्य अनावश्यक सन्दर्भमा पनि अत्यावश्यक भनी पास बनाउनेको भिड लागेको भन्दै शुक्रबारदेखि मृत्यु संस्कार र अत्यन्त जरुरी देखिएमा मात्र पास दिइने प्रशासनले जनाएको छ ।

सरकारले कोरोना रोकथाम तथा नियन्त्रणका लागि भन्दै आजदेखि लागू हुने गरी १५ दिनका लागि काठमाडौं उपत्यकामा निषेधाज्ञा जारी गरेको छ ।