हेल्थ टिभी अनलाइन \काठमाडौं : नेपालमा कोरोना संक्रमण भयावह बन्दै गएको छ । पछिल्लो २४ घण्टामा देशभर ३५ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा देशका विभिन्न जिल्लामा गरी ३५ जनाको कोरोना संक्रमणबाट मृत्यु भएको हो । कोरोना महामारी शुरु भए यता यसरी एकैदिन ३५ जनाको मृत्यु हुनु अहिलेसम्मकै उच्च संख्या हो ।

योसँगै देशभर कोरोना संक्रमणबाट ज्यान गुमाउनेको संख्या ३ हजार २४६ पुगेको छ ।

उता पछिल्लो २४ घण्टामा झण्डै ५ हजार कोरोना संक्रमित थपिएका छन्। मन्त्रालयका अनुसार आज एन्टिजेन र पीसीआर परी ४ हजार ९२८ जनामा कोरोना पुष्टि भएको छ । योसँगै देशभर सक्रिय कोरोना संक्रमितको संख्या नै ३४ हजार ११७ पुगेको छ ।

नेपालमा हालसम्म कोरोना संक्रमण पुष्टि हुनेको संख्या ३ लाख १७ हजार ५३० पुगेको छ । तीमध्ये २ लाख ८० हजार १६७ जना संक्रमणमुक्त भइसकेका छन्।