स्वास्थ्यकर्मीलाई लामो बिदा नदिन स्वास्थ्य मन्त्रालयको निर्देशन
हेल्थ टिभी अनलाइन \काठमाडौं : कोरोना संक्रमण बढेपछि स्वास्थ्य तथा जनसंख्या मन्त्रालयले अस्पतालहरुलाई चिकित्सक तथा स्वास्थ्यकर्मीलाई लामो बिदा नदिन निर्देशन दिएको छ।
मन्त्रालयले आज सचिवस्तरीय निणर्य गर्दै कोरोनाको दोस्रो लहर तीब्र गतिमा फैलिएरहेकाले अस्पतालमा सेवा लिन आउने संक्रमितको प्रभावकारी उपचार व्यवस्थापनका लागि भन्दै स्वास्थ्यकर्मीलाई लामो बिदा नदिन र यसअघि बिदामा बसेकालाई तुरुन्त बोलाउन पनि निर्देशन दिएको छ।
यसैगरी अस्पतालको स्विकृत दरवन्दी रिक्त रहेको भए तुरुन्त व्यवस्थापन गर्न र करारमा ६ महिनाको लागि कर्मचारी भर्ना गर्न समेत मन्त्रालयले निर्देशन दिएको छ । यसैगरी अस्पतालमा बिरामीको चाप र जनशक्ति हेरेर ओपीडी सेवा हाललाई स्थगित गर्न सक्ने समेत जनाएको छ ।
पछिल्लो दुई साता यता नेपालमा कोरोना संक्रमितको संख्या ह्वात्तै बढेको छ । हाल देशभर आइसोलेसनमा रहने सक्रिय संक्रमितको संख्या २६ हजार २२५ पुगेको छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा