भेरी अस्पतालमा ४७६ नमुना परीक्षण गरिएकोमा ३८३ जनामा कोरोना पुष्टि

हेल्थ टिभी अनलाइन\ काठमाडौं : बाँकेको भेरी अस्पतालमा पछिल्लो २४ घण्टााम ४७६ जनाको पीसीआर परीक्षण गरिएकोमा ३८३ जनामा कोरोना पोजेटिभ देखिएको छ ।

यसमध्ये महिला १७७ र पुरुष २०६ जना रहेका छन्। पछिल्लो समय बाँकेमा परीक्षण गरिएकामध्ये ७० देखि ९० प्रतिशतसम्मलाई कोरोना पुष्टि हुँदै आएको छ ।

हालसम्म भेरी अस्पतालमा मात्रै ५८ हजार २९४ जनाको पीसीाआर परीक्षण गरिएको र त्यसमध्ये ७ हजार ९५५ जनामा कोरोना पोजेटिभ रिपोर्ट आएको अस्पतालले जनाएको छ ।

आज संक्रमित पुष्टि हुनेहरुमा २० वर्ष मुनिका ५२ जना रहेका छन्। यसैगरी सबैभन्दा धेर २० देखि ४० वर्ष उमेर समूहका भएको अस्पतालले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।