हेल्थ टिभी अनलाइन \काठमाडौं :  आज काठमाडौंका तीन अस्पतालबाट कोरोना विरुद्धको चिनियाँ खोप भेरोसेल लगाइने भएको छ । जिल्ला स्वास्थ्य कार्यालय काठमाडौंले आजका लागि निजामती कर्मचारी अस्पताल मिनभवन, शसस्त्र प्रहरी अस्पताल बलम्बु र राष्ट्रिय आर्युर्वेद अनुसन्धान तथा तालिम केन्द्र किर्तिपुर मा खोप केन्द्र तोकेको छ ।

भोलिदेखि भने थप ४ अस्पतालबाट खोप दिइने स्वास्थ्य कार्यालय काठमाठौंले जनाएको छ । भोलिदेखि परोपकार प्रसुती तथा स्त्रीरोग अस्पताल, नेपाल मेडिकल कलेज, काठमाडौं मेडिकल कलेज र हिमाल अस्पतालबाट पनि भेरोसिल खोप दिइने बताइएको छ । उता कोभिसिल्ड खोपको दोस्रो मात्रा दिनका लागि वीर अस्पताल, शुक्रराज ट्रपिकल अस्पताल र त्रिवि शिक्षण अस्पताल तोकिएको छ ।

मापदण्ड भित्र पर्ने व्यक्तिले यी अस्पतालहरुमा गएर खोप लगाएर कोरोनाको जोखिमबाट बच्न स्वास्थ्य कार्यालयले सबैलाई आग्रह गरेको छ ।