कोरोना हटस्पट बनेको नेपालगञ्जमा आजदेखि लकडाउन
हेल्थ टिभी अनलाइन \बाँके : कोरोना संक्रमण तीब्र रुपमा फैलिन थालेपछि बाँकेको नेपालगञ्जमा आजदेखि लकडाउनको घोषणा गरिएको छ । जिल्ला प्रशासन कार्यालय बाँकेले कोरोना प्रभावकारी नियन्त्रणका लागि भन्दै लकडाउनको घोषणा गरेको जनाएको छ ।
पछिल्लो समय कोरोना संक्रमण बाँकेमा नियन्त्रण बाहिर गएको छ । दैनिक रुपमा परीक्षण गरिएकामध्ये झण्डै ८० देखि ९० प्रतिशतसम्म कोरोना पोजेटिभ देखिंदै आएको छ । भारतसँग सीमा जोडिएको कारणले पनि बाँके उच्च जोखिममा रहेको हो । नेपालगञ्ज उपमहानगरमा मात्रै मंगलबारसम्म ७३५ जना सक्रिय कोरोना संक्रमित रहेको र अस्पतालहरु संक्रमितले भरिभराउ भएका छन्। बाँकेमा एक्कासी कोरोना संक्रमित बढ्न थालेपछि कोभिड १९ संकट व्यवस्थापन केन्द्रले लकडाउनको सिफािरस गरेको थियो ।
सोही बमोजिम जिल्ला प्रशासनले हिजो यस्तो निर्णय गरेको हो । संक्रामक रोग ऐन २०२० अनुसार आज राती १२ बजेदेखि वैशख १५ गतेसम्म लागू हुने गरी लकडाउन गरिएको हो । यो समयमा सर्वसाधारणलाई हिंडडुल गर्न समेत निशेध गरिएको छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा