नेपालमा भयावह बन्दै कोरोना : आज एकैदिन १७३६ संक्रमित थपिए, ११ जनाको मृत्यु
हेल्थ टिभी अनलाइन \काठमाडौं : नेपालमा कोरोनाको दोस्रो लहर दिन प्रतिदिन भयावह बन्दै गइरहेको छ । पछिल्लो २४ घण्टामा मात्रै देशभर १७ सय ३६ नयाँ कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ ।
यसैगरी गत २४ घण्टामा ११ जना कोरोना संक्रमितको मृत्यु भएको छ । योसँगै देशभर कुल कोरोना संक्रमितको संख्या २ लाख ८७ हजार ५६७ पुगेको छ भने कोरोना संक्रमण भएर ज्यान गुमाउनेको संख्या ३ हजार १०२ पुगेको छ । गत २४ घण्टामा २५१ जना संक्रमित निको भएर घर फर्केका छन्।
पछिल्लो समय देशका मुख्य शहरहरुमा कोरोना संक्रमण भयावहको स्थितिमा देखिएको छ । यसरी बढी नै प्रभावित हुनेहरुमा काठमाडौं, बाँके, चितवन,कास्की लगायतका १४ जिल्ला रहेका छन्।
केही साताअघिसम्म शुन्यमा गएको मृत्युदर अहिले ह्वात्तै बढेको छ । भारतमा संक्रमण तीब्र भएसँगै नेपालमा पनि जोखिम बढिरहेको विज्ञहरुको भनाई छ । स्वास्थ्य तथा जनसंख्या मन्त्रालयले जेठ -असारसम्म दैनिक रुपमा ११ हजारसम्म कोरोना संक्रमित फेला पर्नसक्ने अनुमान गरेको छ ।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा