४ बैशाख २०७८ , शनिबार

शहरी क्षेत्रका विद्यालय वैशाख मसान्तसम्म बन्द गर्न सिफारिस

हेल्थ टिभी अनलाइन \काठमाडौं : कोभिड – १९ संकट व्यवस्थापन केन्द्र (सीसीएमसी)को बैठकले शहरी क्षेत्रका विद्यालय वैशाख मसान्तसम्म बन्द गर्न सिफारिस गरेको छ । शनिबार सिंहदरबारमा बसेको बैठकले विद्यालय बन्द गर्नका लागि सिफारिस गर्ने निर्णय गरेको जनाइएको छ ।

यसैगरी बैठकले अन्य स्थानको हकमा भने प्रदेश र स्थानीय तहले निर्णय गरेअनुसार हुने जनाएको छ ।

केही साता यता देशका मुख्य शहरहरुमा कोरोनाको दोस्रो लहर बढिरहेको र त्यसमा पनि बालबालिका बढी प्रभावित भएपछि स्वास्थ्य मन्त्रालय नै विद्यालय कम्तीमा तीन साता बन्द गर्नुपर्ने प्रस्ताव सीसीएसीमा लगेको थियो । सीसीएमसीको यो सिफारिस मन्त्रीपरिषदमा गएपछि निर्णय हुनेछ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।