३ बैशाख २०७८ , शुक्रबार

बढ्दैछ छ संक्रमितको संख्या, आज ९ सय जनामा संक्रमण पुष्टि

हेल्थ टिभी अनलाइन \काठमाडौं : नेपालमा कोरोना संक्रमित थपिने क्रम दिनप्रतिदिन बढिरहेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ९ सय जनामा कोरोना संक्रमण पुष्टि भएको हो । गत २४ घण्टामा देशभर ५ हजार ५३७ पीसीआर परीक्षण गरिएकोमा ८३६ जनामा कोरोना पुष्टि भएको हो भने ६३१ जनाको एन्टिजेन परीक्षण गर्दा ६४ जनामा कोरोना पोजेटिभ देखिएको मन्त्रालयले जनाएको छ । योसँगै देशभर कुल कोरोना संक्रमितको संख्या २ लाख ८२ हजार ८९० पुगेको छ ।

उता गत २४ घण्टामा थप ४ जना कोरोना संक्रमतिको मृत्यु भएको मन्त्रालयले जनाएको छ । योसहित देशमा कोरोना संक्रमण भएर ज्यान गुमाउनेको संख्या ३ हजार ७० पुगेको छ । हाल देशभर सक्रिय संक्रमितको संख्या ५ हजार ८ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।