भारतमा बढ्दो कोरोना महामारी : एकैदिन २ लाखभन्दा बढी संक्रमित थपिए
हेल्थ टिभी अनलाइन : भारतमा कोरोनाको महामारी यतिबेला नियन्त्रण बाहिर गएको छ ।
वर्ल्डोमिटरका अनुसार भारतमा पछिल्लो २४ घण्टामा २ लाख भन्दा बढी व्यक्तिमा कोरोना संक्रमण पुष्टि भएको छ । भारतीय स्वास्थ्य मन्त्रालयका अनुसार गत २४ घण्टामा सबै रेकर्ड तोड्दै एकैदिन २ लाख ७३९ जनामा कोरोना संक्रमण पुष्टि भएको हो । यसैगरी गत २४ घण्टामा १ हजार ३८ जनाले कोरोना संक्रमणबाट ज्यान गुमाएका छन्।
योसँगै भारतमा कुल कोरोना संक्रमितको संख्या १ करोड ४० लाख ७४ हजार ५६४ पुगेको छ । हाल देशभर १४ लाख ७१ हजार ८७७ जना सक्रिय संक्रमित आइसोलेसनमा रहेको बताइएको छ । हालसम्म भारतमा १ लाख ७३ हजार १२३ जनाको कोरोनबाट मृत्यु भइसकेको छ ।
भारतमा हालसम्म २६करोड भन्दा बढीलाई कोरोना विरुद्धको खोप दिइसकिएको त्यहाँको स्वास्थ्य मन्त्रालयले जनाएको छ ।
ह्याम्स अस्पताल र गोकर्णेश्वर नगरपालिकाबीच स्वास्थ्य सेवा सहकार्यमा सम्झौता
नेपाल फार्मेसी परिषद्को रजिस्ट्रारमा हरिश सिंह थापा नियुक्त
व्यवहारिक मनोविज्ञान सम्बन्धी अन्तराष्ट्रिय सम्मेलन गर्दै नेशनल कलेज
वरिष्ठ प्याथोलोजिस्ट डा सुजन शर्मा स्पेनको बायोसिस्टम्समा प्राविधिक सल्लाहकार नियुक्त
चौंथो सुदीप्ता क्यान्सर सर्भाइभर र्याम्प शो हुँदै