नेपालमा कोरोनाको नयाँ भेरियन्ट : बालबालिका तथा युवा बढी प्रभावित
हेल्थ टिभी अनलाइन \काठमाडौं : नेपालमा कोरोनाको दोस्रो लहरमा बालबालिका र युवा उमेरका समूह बढी प्रभावित भएको पाइएको छ । स्वास्थ्य तथा जनसंख्या मन्त्रालयका अनुसार नेपालमा पछिल्लो समय बालबालिका तथा युवाहरुमा बढी संक्रमण देखिएको हो ।
यसअघिको संक्रमणमा वृद्धवृद्धा तथा दीर्घ रोगीलाई बढी असर देखिएको भए पनि यसपटक भने बालबालिका तथा युवाहरुमा बढी संक्रमण र जटिलता देखिएको छ । कान्ति बाल अस्पतालमा मात्र सोमबारसम्म २२ जना बालबालिका कोरोना संक्रमण भएर भर्ना भएको र त्यसमध्ये २ जना बच्चाको कोरोना संक्रमणकै कारण मृत्यु भएको कान्ति बाल अस्पतालका निर्देशक डा आरपी विच्छाले बताए । उनले यसपटक बालबालिकामा धेरै नै जोखिम र जटिलता देखाएको बताउँदै विशेष ख्याल गर्नुपर्ने बताए ।
उता इपिडिमियोलोजी तथा रोग नियन्त्रण महाशाखाका निर्देशक डा कृष्ण पौडेलले नेपालमा कोरोनको यूके भेरियन्ट र अन्य भेरियन्ट पनि प्रमाणित भइसकेको भन्दै नेपालमा अहिले कोरोना संक्रमण फैलनुको कारण पनि नयाँ भेरियन्ट नै भएको बताए । उनले नेपालमा अहिले धेरैमा देखिएको भने यूके भेरियन्ट रहेको जनाए । यूके भेरियन्टले कम उमेरका समूहलाई बढी प्रभावित गरिरहेको छ । अहिले कोरोना संक्रमतिमध्ये आइसीयूमा भर्ना हुने ५० प्रतिशत ५० वर्ष मूनिका रहेको भन्दै यो समूहले अझ बढी ख्याल गर्नुपर्ने समय आएको उनको भनाई छ ।
उनले भने, ‘स्थिति भयावह हुँदैछ यही गतिमा संक्रमण बढेमा र जनस्वास्थ्यका मापदण्ड पालना गरिएन भने हाम्रा स्वास्थ्य संस्थाले थेग्नै नसक्ने गरी संक्रमण फैलिनसक्छ त्यसैले बेलैमा सचेत बनौँ ।’
अहिले बालबालिका बढी जोखिममा रहेको भन्दै एक महिनाका लागि विद्यालय बन्द गर्न स्वास्थ्य मन्त्रालयले सीसीएमसीलाई सिफारिस गरेको भए पनि सोबारे अहिलेसम्म पनि कुनै निर्णय हुन सकेको छैन्।
ई- सिगरेटको आयात तथा बिक्री वितरण रोक्ने व्यवस्था कार्यान्वयन गर्न स्वास्थ्य मन्त्रालयको पत्र
वायु प्रदूषण बढेकाले सावधानी अपनाउन अपिल
औषधीय गुणले भरिपूर्ण सिस्नो
कर्णालीमा पहिलोपटक कम्युनिटी मेन्टल हेल्थ सम्बन्धी अन्तराष्ट्रिय सम्मेलन हुँदै
क्यान्सर भएको पुष्टि भएका यूकेका राजा चार्ल्सले पुनः सार्वजनिक दायित्व निर्वाह गर्ने