१ बैशाख २०७८ , बुधबार

पछिल्लो २४ घण्टामा थपिए ६०३ जना नयाँ संक्रमित

हेल्थ टिभी अनलाइन \काठमाडौं : नेपालमा आज नयाँ वर्षको दिन ६०३ जना कोरोना संक्रमित थपिएका छन्।

स्वास्थ्य तथा जनसंख्या मन्त्रालयका अनुसार आज देशभरका प्रयोगशालमा ४ हजार २८९ पीसीआर परीक्षण गरिएकोमा ५८० जनामा कोरोना संक्रमण पुष्टि भएको छ । उता भारतबाट आएका व्यक्तिहरुमध्ये ४९१ जनाको एन्टिजेन परीक्षण गर्दा २३ जनामा कोरोना पोजेटिभ देखिएको छ । यी दुबै संख्या गरी आज कोरोना संक्रमण पुष्टि हुनेको संख्या ६०३ पुगेको हो ।

पछिल्लो समय कोरोना संक्रमण बढ्दै गएपछि सक्रिय संक्रमितको संख्या बढेर ४ हजार ५६ पुगेको छ । उता हाल ८० जना आइसीयूमा र २५ जना संक्रमितको भेन्टिलेटरमा उपचार भइहरेको छ । काठमाडौं उपत्यकामा आज २५४ जनामा कोरोना पुष्टि भएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।