हेल्थ टिभी अनलाइन \काठमाडौं : नेपालमा आज एकैदिन १३ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३ जना संक्रमितको मृत्यु भएको हो । दुई महिना अघिसम्म शुन्यमा झरेको मृत्युदर अहिले फेरी ह्वात्तै बढेको छ । योसँगै देशभर कोरोना संक्रमण भएर ज्यान गुमाउनेको संख्या ३ हजार ५३ पुगेको छ । उता गत २४ घण्टामा थप ४९६ जनामा संक्रमण पुष्टि भएको छ ।

२४ घण्टामा देशभर ५ हजार १०५जनाको पीसीआर परीक्षण गरिएको थियो । देशभर सक्रिय कोरोना संक्रमितको संख्या बढेर ३ हजार ३०६ पुगेको मन्त्रालयले जनाएको छ ।

भारतमा दोस्रो लहरको कोरोना बढेसँगै नेपालमा पनि कोरोना संक्रमित थपिने क्रम बढेको छ भने मृत्युदर पनि बढ्न थालेको छ ।