हेल्थ टिभी अनलाइन \काठमाडौं : नेपालमा पछिल्ला केही दिनदेखि कोरोना संक्रमितको संख्या बढ्दै गइरहेको छ ।

दैनिक एक सय भन्दा कममा झरेको कोरोना संक्रमितको संख्या अहिले प्रत्येक दिन बढ्दै गइरहेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर ३३२ जनामा कोरोना संक्रमण देखिएको छ । हिजो पीसीआर र एन्जिेन गरी ३३९ जनामा कोरोना पुष्टि भएको थियो ।

भारतमा कोरोना संक्रमण उच्च भएका बेला नेपालमा पनि संक्रमण दर बढ्न थालेको हो । भारतबाट आउनेहरुमा धमाधम संक्रमण पुष्टि भइरहेको छ । हालसम्म नेपालमा २ लाख ७९ हजार १ सय जनामा कोरोना पुष्टि भइसकेको छ भने ३ हजार ३८ जनाको कोरोनाको कारण मृत्यु भएको छ ।

अहिले देशका विभिन्न स्थानमा बनाइएका क्वारेन्टाइनमा रहनेको संख्या ७७ रहेको छ । सक्रिय संक्रमितको संख्या बढेर २४ सय ५४ पुगेको मन्त्रालयले जनाएको छ ।