आजदेखि चीनले अनुदानमा दिएको खोप लगाइँदै

आजदेखि चीनले अनुदानमा दिएको खोप लगाइँदै

हेल्थ टिभी अनलाइन \काठमाडौं : सरकारले आजदेखि चीनले अनुदानमा दिएको खोप लगाउन सुरु गरेको छ । चीन सरकारले नेपाललाई ८ लाख डोज खोप अनुदानमा दिएको थियो ।

स्वास्थ्य मन्त्रालयका अनुसार यो खोप काठमाडौं उपत्यकासहित रसुवा, सिन्धुपाल्चोक, काभ्रे र नुवाकोटमा गरी २३ वटा खोप केन्द्रबाट दिन लागिएको हो ।

यो खोप १८ देखि ५९ बर्ष उमेर समूहका चीनमा छात्रबृत्तिमा अध्ययन गर्ने विद्यार्थीहरु, चीनमा अध्ययन गर्न जाने तयारीमा रहेका व्यक्तिहरु हिमालय पार व्यापार गर्ने नेपाली व्यापारीले पाउने छन् । यस्तै अत्यावश्यक सेवामा काम गर्ने कर्मचारी, होटल ट्रेकिङ, विज्ञापन र इन्टरनेट क्षेत्रमा काम गर्ने व्यक्ति, औषधि, फलफुल, तरकारी लगायतका व्यापारीले पनि खोप लगाउन पाउने छन् ।

यसका साथै यसअघि खोप लगाउन छुटेका आकस्मिक सेवाका कर्मचारीलाई पनि खोप दिइने जनाइएको छ ।

  • हेल्थ टिभी अनलाइन

    हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।

थप समाचार