कोरोना त्रास: अबदेखि काठमाडौं उपत्यका प्रवेश गर्नेको एन्टिजेन परीक्षण गरिने
हेल्थ टिभी अनलाइन \काठमाडौं : कोरोना संक्रमण बढ्नसक्ने भन्दै सरकारले काठमाडौं उपत्यका भित्रिनेको एन्टिजेन परीक्षण गर्ने भएको छ ।
आइतबार बसेको जिल्ला कोभिड – १९ संकट व्यवस्थापन समितिको बैठकले काठमाडौं उपत्यका प्रवेश गर्ने नाकाहरुमा एन्टिजेन परीक्षण गर्ने निर्णय गरेको हो । त्यसका लागि एन्टिजेन किट सम्बन्धित स्वास्थ्य कार्यालयले उपलब्ध गराउने र हेल्थ डेस्कलाई सक्रिय बनाउने निर्णय भएको छ । एन्टिजेनमा नेगेटिभ देखिए पनि कोरोना जस्तै लक्षण देखिएमा भने पीसीआर परीक्षण समेत गरिनेछ ।
भारतमा दोस्रो लहरको कोरोना संक्रमण तीब्र गतिमा फैलिरहेपछि नेपालमा पनि जोखिम बढेको भन्दै सरकारले नाकाहरुमा स्वास्थ्य परीक्षण गर्ने व्यवस्था मिलाउन तथा क्वारेन्टाइन र आइसोलेसनलाई व्यवस्थित गर्न पत्र पठाइसकेको छ । यसका साथै बैठकले समूहमा हुने भेला, सम्मेलन जस्ता कार्यक्रम नगर्न समेत आग्रह गरेको छ । साथै स्वास्थ्य मन्त्रालयले जारी गरेको जनस्वास्थ्यका मापदण्ड पालना गर्न पनि आग्रह गरिएको छ ।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण