भेरी अस्पतालमा ४३ जनाको पीसीआर गर्दा ७ जनामा कोरोना पुष्टि
हेल्थ टिभी अनलाइन\ बाँके : बाँकेको भेरी अस्पतालमा गत २४ घण्टामा कोरोनाको आंशकामा ४३ जनाको पीसीआर परीक्षण गर्दा ७ जनामा कोरोना पोजेटिभ देखिएको छ ।
अस्पतालले सूचना जारी गर्दै पछिल्लो २४ घण्टामा ४३ जनाको पीसीआर परीक्षण गर्दा ७ जनामा कोरोना पुष्टि भएको भन्दै सबैलाई सचेत हुन आग्रह गरेको छ । यसरी कोरोना संक्रमण पुष्टि हुनेहरुमा बाँकेका ४ जना, बर्दियाका २ जना र १ जना सुर्खेतका रहेका छन्।
पछिल्लो समय भारतमा दोस्रो लहरको कोरोना फैलिन थालेपछि धेरै नेपालीहरु घर फर्किरहेका छन्। यसरी फर्किने नेपालीहरुम धमाधम कोरोना पोजेटिभ देखिन थालेपछि स्वास्थ्य मन्त्रालयले नाकामा कडाइ गर्ने, शंका लागेमा परीक्षण गर्ने र होम आइसोलेसनमा बस्न आग्रह गर्ने काम गर्दै आएको छ ।
भारतसँगको खुला सिमानाका कारण नेपाल यतिबेला संक्रमणको उच्च जोखिममा रहेको भन्दै विज्ञहरुले सावधानी अपनाउन सल्लाह दिइरहेका छन्।
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त
स्वास्थ्यमन्त्री उपेन्द्र यादवले दिए राजीनामा