१९ चैत्र २०७७ , बिहिबार

भारतमा कोरोना कहर : २४ घण्टामा ७२ हजार बढी नयाँ संक्रमित थपिए, ४५९ जनाको मृत्यु

हेल्थ टिभी अनलाइन \काठमाडौं : भारतमा कोरोनाको दोस्रो कहर रोकिने संकेत नै देखिएको छैन्।

पछिल्लो २४ घण्टामा मात्रै त्यहाँ ७२ हजार भन्दा बढी कोरोनाका नयाँ संक्रमित थपिएका छन्। भारतीय स्वास्थ्य मन्त्रालयका अनुसार पछिल्लो २४ घण्टामा देशभर ७२ हजार ३३० जना कोरोनाका नयाँ संक्रमित थपिएका छन् भने ४५९ जनाको मृत्यु भएको छ । योसँगै देशमा कोरोनाका सक्रिय संक्रमितको संख्या ५ लाख ८५ हजार भन्दा बढी पुगेको छ ।

भारतमा हालसम्म १ लाख ६३ हजार बढीले कोरोना संक्रमण भएर ज्यान गुमाइसकेका छन्। पछिल्लो समय मुम्बई, दिल्ली, गुजरात, पञ्जाब, हरियाणा लगायतका शहरहरुमा कोरोनाको दोस्रो लहर तीब्र रुपमा फैलिरहेको छ ।

भारतमा कोरोना संक्रमण बढ्दा खुला सीमाना र धेरै नेपाली भारतमा भएका कारण पनि नेपाल उच्च जोखिममा रहेको छ ।

फोटो : आजतक

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।