१८ चैत्र २०७७ , बुधबार

देशभर थप १६२ जनामा कोरोना पुष्टि, ५९ जना डिस्चार्ज

हेल्थ टिभी अनलाइन \काठमाडौं : नेपालमा आज देशभर १६२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १६२ जनामा कोरोना संक्रमण पुष्टि भएको हो ।

गत २४ घण्टामा ३ हजार ९१९ जनाको पीसीआर परीक्षण गरिएको थियो । यसैगरी आज मात्रै ५९ जना संक्रमित संक्रमणमुक्त भएर डिस्चार्ज भएका छन्। योसँगै देशभर कुल कोरोना संक्रमितको संख्या २ लाख ७७ हजार १४७ पुगेको छ ।

उता कोरोना संक्रमणबाट हालसम्म ३ हजार ३० जनाको मृत्यु भएको छ भने अहिले १३ सय ९० जना सक्रिय संक्रमित रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।